Dr. Akhtar Khatri

તમારે શું ?

સમુદ્ર મારો,
આખો માંગું કે ખોબોભરી માંગું,
તમારે શું ?

આભ મારુ, સૂર્ય મારો,
પ્રકાશ માંગું કે બે ચાર કિરણ માંગું,
તમારે શું ?

વાદળ મારા, વર્ષા મારી,
પાણી માંગું કે કરા માંગું,
તમારે શું ?

મેઘધનુષ મારુ, રંગો મારા,
રંગો માંગું કે ન માંગું,
તમારે શું ?

જિંદગી મારી, શ્વાસ મારા,
જીવું કે ન જીવું,
તમારે શું ?

શબ્દો મારા, લાગણીઓ મારી,
ગઝલ લખું કે મુક્તક લખું,
તમારે શું ?

Advertisements

Leave a Reply