Dr. Akhtar Khatri

પત્નીત્રસ્ત પતિ……..હાસ્યકવિતા

[ બધાને બંધ બેસતી પાઘડી છે મિત્રો
પણ મહેરબાની કરી આ પાઘડી કોઇયે
ઓઢવી નહીં અને કોઈને જબરદસ્તી
ઓઢાવવી પણ નહીં ]

આખો દિવસ બસ બડબડ કરે,
કઈંક કહો તો પછી લડલડ કરે.

વિચારે કશુય તો કરીનેજ છોડે,
દરેક વાતમાં ફક્ત તડફડ કરે.

ભુલથી જો જોવાઈ જાય કશેક,
બાળે મને ને ખુદ ભડભડ બળે.

ઈચ્છા તો ઘણી કે લફરુ કરુ કોઈ,
છોડે તો જાઉંને, તે નડનડ કરે.

અને કદી છોડવાની વાત કરું તો,
અઠવાડિયા સુધી તે રડરડ કરે.

ઉંઘવાય ન દે શાંતિથી કદી મને,
રાત્રે પણ કાયમ તે બકબક કરે.

ગુસ્સો તો કાયમ નાક પર જ રહે,
પારો તેના મગજનો ચડચડ કરે.

જંગલરાજ છે લગ્ન બાદ ‘અખ્તર’
ભસે તે કાયમ ને મને હડહડ કરે.

Advertisements

1 reply »

Leave a Reply