Payal Unadkat

પૂછો નહીં

(ગાલગા ગાલગા ગાલગા ગાલગા)

આ હ્રદયની કોઈ વાત પૂછો નહીં,
શું છૂપાવ્યા છે જઝબાત પૂછો નહીં,

યાદ કાયમ રહે આભલે એમની,
ઓઢણીમાં ભરી ભાત પૂછો નહીં,

કેટલી લાગણી જો હ્રદય ઊભરી,
એ વિશે તો સવાલાત પૂછો નહીં,

જાતની પણ ખબર રાખતા ના અમે ,
શ્વાસ પણ એની સોગાત પૂછો નહીં,

શૂન્ય ક્યાં છે હવે જિંદગીની સફર,
છે સભર સ્નેહ ઓકાત પૂછો નહીં.

-પાયલ ઉનડકટ

Advertisements

Categories: Payal Unadkat

1 reply »

Leave a Reply