Payal Unadkat

સમય

(ગાલગાગા ગાલગાગા ગાલગાગા ગાલગા)

ઓટલે આવી સભામાં બેસવાનો છે સમય,
જિંદગી બાકી રહી એ માણવાનો છે સમય!

એક પડકારે ધ્રૂજાવી નાખતા બ્રહ્માંડને,
કાંપતા હોઠે હવે વાગોળવાનો છે સમય,

રોજ આધેડો બધા ભેગા થતાં જે બાંકડે,
આજ એ સુના થયા સંભારવાનો છે સમય!

સાવ જાણે હો નકામા એમ જોતાં લોક સૌ,
આખરી ટાણે સહજ સ્વીકારવાનો છે સમય,

અંગથી હારી ગયા સાથી બધા છૂટી ગયા,
મોહમાયા વેગળી મેલી જવાનો છે સમય!

ચાલતું ના એક પળ જેના વિના એ જીવશે,
સાથ એ પણ હાથથી છોડવાનો છે સમય!

શું હતું સંગાથમાં ને સાથમાં શું લઇ જશું?
સત્ય એ સમજી હસીને પોઢવાનો છે સમય!

-પાયલ ઉનડકટ

Advertisements

Categories: Payal Unadkat

Leave a Reply