Dilip Ghaswala

રેશમ હોય છે

રેશમી લાગે હવા, ફરફરતું રેશમ હોય છે;
યાદ તારી મઘમઘે છે એ જ મોસમ હોય છે.

દુઃખોના આ ભાર વચ્ચે એક કૂણી લાગણી;
એટલે તો જિંદગી આ ફૂલ-ફોરમ હોય છે.

તું ભલે સાથે નથી,પણ સાથ કાયમ હોય છે;
સંસ્મરણના રક્તરંગી શ્વાસે સોડમ હોય છે.

શબ્દમાં જો વ્યક્ત કરવા જાવ, સૌ પાગલ ગણે,
હૃદયને જોડો નજરથી એ જ ઉત્તમ હોય છે.

સાવ પોકળ છે ગમા ને અણગમાનો ખેલ આ,
શોધ કર તું હાજરી કોની આ હરદમ હોય છે ?

રણ, તરસ,કેડી અને પગલાં બધું ઠીક છે “દિલીપ”;
ઓ પ્રતીક્ષા જાણજે, આ વાત મોઘમ હોય છે.

-દિલીપ વી ઘાસવાળા

Advertisements

Categories: Dilip Ghaswala

Leave a Reply