Asim Bakshi

પણ હું તો ઓનલાઇન છું

પાટલી પાટલી કુદવું છે
પરબ નું પાણી પીવું છે
શર્ટ પર સહી નાખવી છે
કેરીની ચીરીઓ ચાખવી છે
પણ હું તો ઓનલાઇન છું

મેદાને મેદાને ભમવું છે
મિત્રો ભેગા રમવું છે
શિક્ષકો સામે નમવું છે
પણ હું તો ઓનલાઇન છું

વરસાદમાં પલળવું છે
ભીના મિત્રોને મળવું છે
ખાબોચીયે તરવું છે
પણ હું તો ઓનલાઇન છું

સાયકલના આંટા મારવા છે
નાસ્તાના ફાંકા મારવા છે
કલાસમાં ઝોકા મારવા છે
પણ હું તો ઓનલાઇન છું

બેઠા બેઠા ભુરાયો છું
હું પાંજરે પુરાયો છું
રમતો માં સવાયો છું
પણ હું તો ઓનલાઇન છું

દફતર લઈને દોડવું છે
ઝમરુખ દાંતે તોડવું છે
કોઠું ભીંતે ફોડવું છે
પણ હું તો ઓનલાઇન છું !!

-આસીમ !!!!@ ઓનલાઇન સ્ટડીઝ !!!!

Categories: Asim Bakshi

Tagged as:

Leave a Reply